ޓެނިސް ކުޅުންތެރިޔާ ޖަޕާނުގެ ނައޯމީ އޮސާކާ ބިލީ ޖީން ކަޕްގެ ފައިނަލްސް ގައި ނުކުޅޭން ނިންމައިފިއެވެ. ނޮވެންބަރ 13 އިން 20 އަށް ސްޕެއިންގެ މަލާގާގައި ކުރިޔަށް ގެންދިޔުމަށް ހަމަޖެހިފައިވާ ބީލީ ޖީން ކަޕް ގެ ފައިނަލް މެޗުތައް ނުކުޅޭން ނިންމީ މި އޮކްޓޯބަރ 1 ވަނަ ދުވަހު ބެއިޖިންގައި ކުރިޔަށްދިޔަ ޗައިނާ އޯޕަންގެ ގަދަ 16 ގައި އެމެރިކާގެ ކޮކޯ ގޯފް އާއި ދެކޮޅަށް ކުޅުނު މެޗުގައި ލިބުނު އަނިޔާއާއި ގުޅިގެންނެވެ. ގްރޭންޑް ސްލޭމް ކާމިޔާބުކޮށްފައިވާ ނައޯމީ މި މެޗު ކާމިޔާބުކޮށް ޗައިނީޒް އޯފަން ގެ ކުއާރޓަރ ފައިނަލަށް ދިޔަނަމަވެސް އަނިޔާއާއި ހެދި ކުއަރޓަރ ފައިނަލް ނުކުޅޭން ނިންމިއެވެ.

އަނިޔާއާއި ގުޅޭގޮތުން ކިޔޯޑޯ ނިއުސް އޭޖެންސީ އާއި ވާހަކަދައްކަމުން ނައޯމީ ބުނީ

"މި އަހަރުގެ މިހާތަނަށް ވަރަށް ގިނަ މުބާރާތުގައި ބައިވެރިވެވިއްޖެ، ނަމަވެސް ޕޭން ޕެސިފިކް އޯޝިއަން މުބާރާތާއި ބިލީ ޖީން ކަޕް ފައިނަލްސް ގައި ނުކުޅޭގޮތް ވުމަކީ ވަރަށް އުނދަގޫ ނިންމުމެއް" ކަމަށެވެ.

ނައޯމީއަށް ލިބުނު އަނިޔާއަކީ ބުރަކަށްޓަށާއި ދަށްބަނޑުގެ މަސްތަކަށް ލިބުނު އަނިޔާއެއްކަމުގައި އޭނާ ވަނީ ހާމަކޮށްފައެވެ.

ނައޯމީ އޮސާކާ ބިލީ ޖީން ކަޕްގެ ފައިނަލްސް ގައި ނުކުޅޭން ނިންމި ނިންމުމާއެކު 2024 ސީޒަން ނައޯމީއަށް ނިމުނީއެވެ.