ފުވައްމުލައް ސިޓީއަށް ދަތުރުކުރަމުންދިޔަ މުދާ އުފުލާ ސަޕްލައި ދޯންޏެއް ދިޔަވަމުންދާ ކަމުގެ މަޢުލޫމާތު ލިބިގެން ފުލުހުން އެ ސަރަޙައްދުގައި ހަރަކާތްތެރިވާން ފަށައިފިއެވެ.

ދިޔަވަމުންދަނީ "ރާސްތާ" ނަމަކަށް ކިޔާ މުދާ އުފުލާ ސަޕްލައި ދޯންޏެކެވެ. މި ދޯނި ދިޔަވަމުންދާ ކަމުގެ މަޢުލޫމާތު ލިބިފައިވަނީ ފުވައްމުލައް ސިޓީއާ ގާތްގަނޑަކަށް 12 ނޯޓިކަލް މޭލު ބޭރުން ދަތުރުކުރަމުން ދަނިކޮށެވެ.

Ad by Hajj Corporation

ފުލުހުން ވިދާޅުވި ގޮތުގައި، މި ހާދިސާގެ މަޢުލޫމާތު އެމްއެންޑީއެފުން ފުލުހުންނަށް ރިޕޯޓްކޮށްފައިވަނީ މިއަދު މެންދުރުފަހު 15:08 ހާއިރުއެވެ. މި އުޅަނދުގައި ހަތަރު ދިވެހިންނާއި ބިދޭސީއަކާއެކު ޖުމްލަ ފަސް މީހުން ދަތުރުކުރަމުންދިޔަ ކަމަށް ފުލުހުން މަޢުލޫމާތު ދެއެވެ.

އެ އުޅަނދަށާއި އުޅަނދުގައި ތިބި މީހުންނަށް ބޭނުންވާ އެހީތެރިކަން ފޯރުކޮށްދިނުމުގެ މަސައްކަތް ފުލުހުން މިހާރު ދަނީ ކުރަމުންނެވެ.