މުޙައްމަދު މާޖިދު (މެޒޯ)ގެ މޫނު ދެއްކުން މިއަދު މެންދުރު އެކަކުން ފެށިގެން އިސްލާމީ މަރުކަޒުގައި ކުރިއަށްދާނެއެވެ.

މެޒޯ ނިޔާވީ އިއްޔެގެ ހަވީރުގެ ވަގުތެއްގައެވެ. އޭނާ ނިޔާވީ އުމުރުން 59 އަހަރުގައެވެ.

މެޒޯގެ މައްޗަށް ކުރެވޭ ކަށު ނަމާދު ވެސް މިއަދުކުރެވޭއިރު، ކަށުނަމާދު ކުރަނީ މިއަދުގެ އަސްރު ނަމާދަށް ފަހުއެވެ. ކަށު ނަމާދު ވެސް ކުރެވެނީ އިސްލާމީ މަރުކަޒުގައެވެ.

މެޒޯއަކީ ރާއްޖޭގައި އުފެދުނު އެންމެ މޮޅު އަދި އެންމެ ތަފާތު އެއް ލަވަކިޔުންތެރިޔާ އަދި ޅެންވެރިޔާ ވެސް މެއެވެ. މެޒޯ އަދި މެޒޯ ބޭންޑުގެ ގިނަ ލަވަތަކަކީ މިއަދު ވެސް ރާއްޖޭގެ ގިނަ ބަޔަކު އަޑުއަހައި، އެ ލަވަތަކުގެ ރާގާއި ޅެމާއި ފަންނުވެރިކަމަށް ތައުރީފުކުރާ ލަވަތެކެވެ.

މިޔުޒިކަށް މެޒޯކޮށްދިން ޚިދުމަތްތަކުގެ އަގު ވަޒަންކުރުމުގެ ގޮތުން އޭނާ އަށް ވަނީ ކުރީގެ ރައީސް މުޙައްމަދު ނަޝީދުގެ ވެރިކަމުގައި ގައުމީ އިނާމު ވެސް އަރުވާފައެވެ.