ޗެމްޕިއަންސް ލީގުގެ ޑިފެންޑިންގ ޗެމްޕިއަން ރެއަލް މެޑްރިޑް، ޔުއޭފާ ކުލަބް ރޭންކިން ޗާޓުގެ އެއްވަނައަށް ޖެހިލައިފިއެވެ.

ޔޫރަޕިއަން ފުޓްބޯޅައިގެ އެންމެ މަތީ ފަންތީގެ މުބާރާތް އެންމެ ގިނަފަހަރަށް ކާމިޔާބުކޮށްފައިވާ "ލޯސް ބްލާންކޯސް" މިވަގުތު އޮތީ 140.000 ޕޮއިންޓާއެކު ވަނީ ރޭންކިންގގެ އެންމެ މަތީގައެވެ. ތާވަލުގެ ދެވަނައިގައި މެންޗެސްޓަރ ސިޓީ (137.750) ޕޮއިންޓާއެކުއޮތްއިރު، އަދި ތިންވަނައިގައި ބަޔަން މިއުނިކް އޮތީ (128.750) ޕޮއިންޓާއެކުގައެވެ.

Ad by Hajj Corporation

ޔޫއެފާގެ ކްލަބް ކޯފިޝަންޓް ރޭންކިންގ އެކުލަވާލަނީ ފާއިތުވި ފަސް އަހަރުގައި ޗެމްޕިއަންސް ލީގު، ޔޫރަޕާ ލީގު އަދި ކޮންފަރެންސް ލީގުގައި ކްލަބްތަކުން ހޯދާފައިވާ ނަތީޖާތަކަށް ބަލައިގެންނެވެ. މި މުއްދަތުގެ ތެރޭގައި ރެއަލް މެޑްރިޑް ވަނީ ޗެމްޕިއަންސް ލީގުގެ 14 ވަނަ އަދި 15 ވަނަ ފަހަރަށް ހޯދާފައެވެ.

ރެއަލް މެޑްރިޑްގެ މި ކާމިޔާބީއަކީ ޔޫރަޕިއަން ފުޓްބޯޅައިގައި އެ ކްލަބުން ދަމަހައްޓަމުން އަންނަ ރަސްކަމަށް އިތުރުވި ބޮޅެކެވެ. އަދި މިއީ ޔޫރަޕިއަން ފުޓްބޯޅައިގެ އެންމެ ކާމިޔާބު ކްލަބުގެ ގޮތުގައި ރެއަލް މެޑްރިޑް ދެމިއޮތްކަން އަންގައިދޭ އިތުރު ނިޝާނެކެވެ.