ޔުވެންޓަސްގެ މިހާރުގެ ކޯޗު ތިއާގޯ މޮޓާ އާއި ވަކިކޮށް، އެޓީމިގެ ކުރީގެ ޑިފެންޑަރު އިގޯރ ޓިއުޑަރ ޓީމުގެ ހެޑް ކޯޗުގެ މަގާމަށް ގެނައުމަށް ނިންމައިފިކަމަށް ފެބްރިޒިއޯ ރޮމާނޯ ރިޕޯޓުކޮށްފިއެވެ.

ފިއޮރެންޓީނާ އަދި އެޓަލާންޓާ އާއި ކުރި މެޗުތަކުގައި ލިބުނު ބައްޔާއެކު ޔުވެންޓަސްގެ ކޯޗު މޯޓާއަށް ވަނީ ޕްރެޝަރާއި ކުރިމަތިލާން ޖެހިފައެވެ. އަދި މޮޓާގެ ހިންގުމުގެ ދަށުން ޓީމުގެ ފެންވަރު ދަށްވަމުން ދިއުމާ ގުޅިގެން ކުލަބުގެ މެނޭޖްމަންޓުން މި ނިންމުން ނިންމާފައިވާ ކަމަށް ވެއެވެ.

Ad by Hajj Corporation

މި މަގާމަށް ޓިއުޑަރ ގެނައުމަށް މިހާރު ވަނީ އެއްބަސްވެފައެވެ. އައު ކޯޗުގެ އެއްބަސްވުން 2026 ވަނަ އަހަރާ ހަމައަށް އެއްބަސްވުން އިތުރުކުރުމުގެ ފުރުސަތު އޮންނާނެއެވެ.

މޮޓާ އާއި އޭނާގެ ސްޓާފުން ވަކިކުރަން ޖެހޭ ހާލަތެއްގައި ބަދަލެއްގެ ގޮތުން ޔުވެންޓަސްއިން 15 މިލިއަން ޔޫރޯ ޚަރަދުކުރަން ޖެހޭނެ ކަމަށް ލަފާކުރެވެއެވެ. މީގެ އިތުރުން ޓިއުޑަރ ގެނައުމަށް އިތުރު ޚަރަދުތަކެއް ކުރަން ޖެހޭނެއެވެ.

މިވަގުތު ޔުވެންޓަސް އޮތީ ލީގުގެ ތާވަލުގެ 5 ވަނައިގައެވެ. އެހެންކަމުން ޔުވެންޓަސް އަށް އަންނަ ސީޒަނުގައި ޗެންޕިއަންސް ލީގުގައި ކުޅުމުގެ ފުރުސަތު ގެއްލިދާނެކަމުގެ ބިރު މިހާރުވަނީ ހީވެފައެވެ.