ކުރީގެ ރައީސް އަބްދުﷲ ޔާމީންގެ ޝަރީޢަތް  ހޯމަ ދުވަހު ޔޫޓިއުބްއިން ވަގުތުން ދައްކާގޮތަށް ހަމަޖައްސައިފިއެވެ. ރައީސް ޔާމީންގެ މައްޗަށް ހުކުމް ކުރީ ވ.އާރަށް ކުއްޔަށް ދޫކުރުމުގައި ރިޝްވަތާއި މަނީ ލޯންޑަރިންގެ މައްސަލަ ފެންމަތިވުމާއިގުޅިގެންނެވެ، ހޯމަދުވަހު ކުރިއަށްގެންދަން ހަަމަޖެހިފައިއޮތީ ރައީސް ޔާމީންގެ މައްޗަށްކޮށްފައިވާ ހުކުމް ބާތިލުކުރުމަށް އެދި ކްރިމިނަލް ކޯޓަށް ހުށައެޅި މައްސަލައިގެ ދެވަނަ އަޑުއެހުމެވެ. މި މައްސަލައިގެ ފުރަތަމަ އަޑުއެހުން ބާއްވާފައިވަނީ މިދިޔަ މަހުގެ 21 ވަނަ ދުވަހުގައެވެ،

މި މައްސަލައިގެ ފުރަތަމަ އަޑުއެހުމުގައި ހިމެނޭ ބައެއްކަންކަން ދައުލަތުން ވަނީ ސުޕްރީމް ކޯޓުގައި އިސްތިއުނާފުކޮށްފައެވެ، އެއީ މީގެ ކުރިން މި މައްސަލާގައި ހައިކޯޓުން ޝަރީއަތް ހިންގުމުގައި ދިފާއީ ހެކިންގެ ހެކިބަސް ނެތްކަން ދައްކަން ދައުލަތުން ދައުލަތުން ހުށައެޅި ހެކިތަކަށް ރިޢާޔަތް ނުކުރުމުންކަމަށް ދައުލަތުން ހާމަކުރިއެވެ. ހައިކޯޓުން ވަނީ މިދިޔަމަހުގެ އޭޕްރީލް 18 ވަނަ ދުވަހު މި ހުކުމް ބާތިލް ކުރުމަށްފަހު އަލުން މައްސަލަ މުރާޖާކުރުމަށް ކްރިމިނަލް ކޯޓަށް އަމުރުކޮށްފައެވެ، ހައި ކޯޓުންވަނީ ކްރިމިނަލް ކޯޓަށް މިމައްސަލައިގައި ދެން ޝާމިލުވާ ފަރާތްކަމަށްވާ ފެލިދޫ ދާއިރާގެ ކުރީގެ މެންބަރު ޔޫސުފް ނައީމްގެ މައްޗަށްކޮށްފައިވާ ހުކުމް ވެސް ބާތިލްކޮށް އަލުން މައްސަލަ މުރާޖާ ކުރުމަށް ކްރިމިނަލް ކޯޓަށް އަމުރުކޮށްފައެވެ.

މި އަޑުއެހުން ބާއްވަން ކްރިމިނަލް ކޯޓުން ތާވަލްކޮށްފައިއޮތީ އަންނަ ހޯމަ ދުވަހު ހެނދުނު 9 ޖަހާއިރަށެވެ.