އޯލްޑް ޓްރެފޯޑްގައި ރޭގައި ޔޫރޮޕާ ލީގުގެ ސެމީފައިނަލުގެ ދެވަނަ ލެގުގައި މެންޗެސްޓަރ ޔުނައިޓެޑް އެތްލެޓިކް ކްލަބްގެ މައްޗަށް 4-1 އިން ކުރި ހޯދައި، މުބާރާތުގެ އެއްްވެސް މެޗަކުން ބަލިނުވެ ޔޫރަޕުގެ ތަށްޓެއް މިސީޒަނުގައި ހޯދުމުގެ ފުރުސަތުއޮތް ހަމައެކަނީ ޓީމަށް ޔުނައިޓެޑް ވެއްޖެއެވެ. ރޭގެ މޮޅާއެކުނދެ މެޗުގެ އެގްރެގޭޓުން ޔުނައިޓެޑް އަށް ކުރި ލިބެނީ 7-1 އިންނެވެ. މިއާއެކު މެއި 21 ވަނަ ދުވަހު ބިލްބާއޯގައި ބޭއްވުމަށް ހަމަޖެހިފައިވާ ޔޫރަޕާ ލީގުގެ ފައިނަލްގައި ޓޮޓެންހެމް އާ ބައްދަލުކުރުމުގެ ފުރުސަތު ވަނީ ހޯދާފައެވެ.

ފުރަތަމަ ލެގުގައި 3-0 އިން ކުޔުނައިޓެޑް މޮޅުވެފައި އޮތްނަމަވެސް، ރޭގެ މެޗުގެ 31 ވަނަ މިނެޓްގައި މިކެލް ޖައުރެގިޒާގެ ޖެހި ރީތި ލަނޑަކުން އެތްލެޓިކް ކުލަބަށް އުއްމީދެއް ލިބިގެން ދިޔައެވެ. ނަމަވެސް އަމޮރިމް ދެވަނަ ހާފުގައި ގެނައި ބަދަލުތަކާއެކު ޔުނައިޓެޑުގެ ކުލުން އިތުރަށް ވަރުގަދަވިއެވެ. އެގޮތުން މެޗުގެ 72 ވަނަ މިނެޓްގައި މައުންޓް ވަނީ ރީތި ކާވިންގ ޝޮޓަކުން މެޗު އެއްވަރުކޮށްފައެވެ. އޭގެ ފަހުން ބްރޫނޯ ފަނާންޑޭސްގެ ކްރޮސްއަކުން ކަސެމީރޯ ވަނީ ހެޑަރއަކުން ލަނޑެއް ޖަހާފައެވެ. ގޯލްކީޕަރ ޖުލެން އަގިރެޒަބަލާގެ ކުށަކުން ރަސްމަސް ހޯޖްލަންޑް ވަނީ ތިންވަނަ ލަނޑު ޖަހާފައެވެ. އަދި މެޗުގެ ފަހުވަގުތުގައި މައުންޓް ވަނީ ކީޕަރު ބޯލައަށް ނިކުމެހުއްޓާ ވަރަށް ދުރުން ޖެހި ޝޮޓަކުން ގޯލުޖަހާފައެވެ.

މިއާއެކު މިސީޒަން ނާކާމިޔާބުކޮށް ކުރިޔަށްދިޔަ ޔުނައިޓެޑް އަށްވަނީ ޔޫރޮޕާ ލީގު ދެވަނަ ފަހަރަށް ކާމިޔާބުކޮށް، އަންނަ ސީޒަނުގެ ޗެންޕިއަންސް ލީގުގެ ޖާގައެއް ހޯދުމާއި ގާތުގައެވެ.