ގެދޮރުވެރިޔާ މަޝްރޫއުގެ ދަށުން ހިންގާ 4،000 ފްލެޓުގެ އެއްބަސްވުންތަކުގައި ސޮއިކުރުމަށް، އެ ފްލެޓްތައް ލިބޭ ފަރާތްތަކުގެ މައުލޫމާތު ފަހި ދިރިއުޅުން ކޯޕަރޭޝަން (އެފްޑީސީ)އާ ހިއްސާކުރުމުގެ މަސައްކަތް  އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ފަށައިފިއެވެ.

އެ ވުޒާރާއިން މިއަދު ނެރުނު އިއުލާނެއްގައި ބުނީ، ގެދޮރުވެރިޔާގެ ފްލެޓްތައް ހަވާލުކުރުމާއި އެއްބަސްވުންތަކުގައި ސޮއިކުރުމަށް، އެ ފްލެޓްތައް ލިބުނު ފަރާތްތަކުގެ މައުލޫމާތު އެފްޑީސީއާ ހިއްސާކުރުމުގެ މަސައްކަތް ފަށާފައިވާ ކަމަށާއި، އެ ފްލެޓްތައް ސޮއިކޮށް ހަވާލުކުރާނީ ފްލެޓްތަކުގެ މަސައްކަތް ނިމި ހަވާލުކުރުމަށް ތައްޔާރުކުރެވިފައިވާ ޓަވަރުތަކުގެ ތަރުތީބުން ކަމަށެވެ.

Ad by Hajj Corporation

އަދި ފްލެޓްތަކުގެ އެއްބަސްވުންތަކުގައި ސޮއިކުރުމަށް ކުރަންޖެހޭ ހުރިހާ މުޢާމަލާތްތަކެއް ކުރިޔަށްގެންދާނީ އެފްޑީސީން ކަމަށް ވެސް އެ އިއުލާނުގައި ވުޒާރާއިން ބުންޏެވެ.

ވުޒާރާއިން ވަނީ އެ އެއްބަސްވުންތަކުގައި ސޮއިކުރުމަށް އެފްޑީސީއަށް ފޮނުވާ ފަރާތްތަކަށް "ގެދޮރުވެރިން ޕޯޓަލް" މެދުވެރިކޮށް އެކަން އަންގާނެ ކަން ފާހަގަކޮށްފައެވެ.

އަދި އެ ޕޯޓަލް އިން އެފަދައިން ނާންގާ ފަރާތްތަކަށް އެ ވުޒާރާއިން ނުވަތަ އެފްޑީސީން ގުޅައި ނުވަތަ އެސްއެމްއެސް ނުކުރާނެ ކަން ފާހަގަކޮށް، އެފަދަ ކަންކަމަށް ސަމާލުވުމަށް ވެސް އެ ވުޒާރާއިން ވަނީ އެދިފައެވެ.

ގެދޮރުވެރިކަމާ ބެހޭ ވުޒާރާއިން އެފަދަ އިއުލާނެއް މިއަދު ނެރުނުއިރު، ހުސްވި ހަފުތާގެ ބުދަ ދުވަހު އޮތް  "އަހާ ފޯރަމުގައި" ގެދޮރުވެރިޔާ ފްލެޓްތަކުގެ އެއްބަސްވުންތަކާ ގުޅޭ ގޮތުން ޢާންމު މީހަކު ކުރި ސުވާލަކަށް ޖަވާބު ދެއްވަމުން ށް ގެދޮރުވެރިކަމާއި އިމާރަތްކުރުމާއި ބިނާރާ ބެހޭ ވަޒީރު ޑރ. އަބްދުﷲ މުއްތަލިބު ވަނީ، މި ހަފުތާގެ ތެރޭގައި އެ ފްލެޓްތަކުގެ އެއްބަސްވުންތަކުގައި ސޮއިކުރަން ފެށޭނެ ކަމުގެ ޔަގީންކަން ދެއްވާފައެވެ.

އެގޮތުން އެދުވަހު ވަޒީރު ވިދާޅުވީ، 4،000 މީހުންނަށް އެއްބަސްވުންތަކުގައި ސޮއިކުރުމުގެ މަސައްކަތަކީ ވަރަށް ބޮޑު މަސައްކަތެއް ކަމަށާއި، އެ މަސައްކަތްކުރުމަށް ބޭނުންވާ ތަނަކާއި އެތަނަށް ޢާންމުން އެއްވާއިރު އެ މަސައްކަތް ފަސޭހަ ކަމާއެކު ކުރެވޭނެ އިންތިޒާމުތައް ވެސް ހަމަޖައްސަން ޖެހޭ ކަމަށެވެ. އެހެންކަމުން އެ އިންތިޒާމުތައް ހަމަޖެއްސުމުގެ މަސައްކަތް އޭރު ކުރައްވަމުން ގެންދަވާކަން ވަޒީރު ފާހަގަކުރެއްވިއެވެ.

އިތުރަށް ކިޔާލަން:

Anna Hafuthaagai 4,00 Flat ge Ehbasvunthakugai Soi Kuran Fashanee | Mendhuru TvTikTokYouTubeInstagramXFacebook